الجار يسأل جاره مرتك شو جابت؟؟؟
جابت بنت ..وانت ؟
مرتي جابتلي الصبي السابع
انت صار عندك سبع بنات وانا عندي سبع صبيان
كل ما يشوف جاره يقوله ياابو البنات
والجار يزعل من الكلمه ويسكت
وبعد ما انقضى العمر
وكل واحد فيهم جوز أولاده السبعه وعاش لوحده
في ليلة ابو الصبيان زار جاره ابو البنات
لقاه قاعد يتعشا اكل لذيذ و تيابه نضيفه ومكانه نضيف
قاله مين عاملك كل هادا
قله كل يوم بتيجي بنت من البنات بتحممني
وبتنضف البيت وبتعملي أكل وبتروح
...قاله كل يوم ؟
كيف بتلحق بيتها وولادها وزوجها وانت كمان ؟
قاله اي مقسمين الاسبوع عليهم كل واحده فيهم يوم
ابو الصبيان قعد جنبه وقاله:
ابو البنات ينام متعشي ودفيان
وابو الصبيان ينام ع جوع وبردان
ابنك بيحمل اسمك ....لكن بنتك بتحملك انت واسمك.
الرئيسية 
